Kryeministri Edi Rama nuk humbet kohë, pasi ndryshoi drejtuesit politik në qarqe i thërret nesër ata në takim.
Burime bëjnë me dije për Euroneës Albania se mbledhja e kryesocialistit me 12 drejtuesit politikë do të zhvillohet në orën 10:00, në selinë e PS.
Kryeministri Edi Rama, në mbledhjen e Asamblesë së PS të shtunën bëri disa ndryshime të drejtuesve politikë të qarqeve. Kështu, Taulant Balla është vendosur drejtues qarku në Tiranë.
Erion Malaj u vendos drejtues qarku në Kukës. Ulsi Manja nga qarku Lezhë është zhvendosur drejtues politik në Dibër.
Enea Karakaçi vendoset drejtues qarku në Shkodër. Kurse Blendi Klosi nga drejtues politik në Dibër do të vendoset drejtues qarku në Durrës. Ermal Nufi vendoset drejtues qarku në Lezhë.
Arbjan Mazniku mbetet drejtues politik në Elbasan ashtu si Belinda Balluku në qarkun e Fierit. Ndryshime në qarkun Korçë nuk ka pasi Niko Peleshi mbetet drejtues politik.
Mirela Kumbaro, Ervin Demo dhe Bledi Çuçi gjithashtu mbetën drejtues politik të Gjirokastrës, Beratit dhe Vlorës ashtu siç ishin emëruar më parë. Rama largoi 4 emra: Benet Becin, Emirjana Sakon, Elisa Spiropalin dhe Eduart Shalsin.