Rriten rastet me alergji pranverore, deri në 20 vizita në ditë

Lezha: Të diagnostikohen sa më shpejt, në ditë regjistrohen deri në 20 vizita

Periudha nga fillimi i muajit prill deri në fund të qershorit është më problematikja sa i takon personave që vuajnë nga alergjitë e stinës së pranverës. Mjeku alergolog dhe shefi i Poliklinikës së Specialiteteve në Shkodër, Egir Lezha, bën të ditur se të gjitha moshat janë të ekspozuar përballë alergjive të stinës ndaj kujdesi ndaj shëndetit duhet të jetë më i madh.

Lezha bën apel që alergjitë stinore të diagnostikohen sa më shpejt, teksa në ditë regjistrohen deri në 20 vizita si shkak i alergjive të stinës.